قامت الفنانة منة فضالى بتوجيه رسالة مؤثرة من خلال حسابها الشخصى بموقع التواصل الاجتماعى فيسبوك للمطرب رامى جمال بعد اعلانه عن اصابته بمرض البهاق الجلدي.
نصيحة فضالي لرامي
وقالت فضالى من خلال حسابها على فيس بوك: “مش عارفه اقولك ايه بس بجد ربنا يحفظك لمراتك واهلك و لجمهورك و ربنا لما بيحب عبده بيبتلي انت زي الفل و محترم و عالمي كفايه اخلاقك و طيبة قلبك.. متسبش شغلك و طموحك علشان تفاهات للاسف الناس ليها المظاهر عمرهم ما بيدورو علي الجوهر انت رامي جمال مينفعش تكون غير كده يا صاحبي واغانيك والحانك لازم تستمر انت و ناريمان بحبكم من قلبي وربنا يبعد عنكم العين يارب ويحفظكم #رامي_جمال”.
والجدير بالذكر اعلان المطرب رامى جمال أمس عن اصابته بمرض البهاق الجلدى عبر صفحته بإنستجرام وقال: “الحمد لله الذي أحبني فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل. وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقول لي شوف بيزنس تاني أعمله علشان الناس مش هتقبلك كده”.
