حرص الفنان أحمد صلاح حسني على توجيه رسالة إلى المطرب والملحن رامى جمال بعد اعلانه عن إصابته بمرض البهاق الجلدى، وذلك من خلال حسابه الشخصى على موقع التواصل الاجتماعي تويتر.
وقال حسني في تغريدته: “رامي جمال كلنا معاك ممنوع الاعتزال مفيش حد بيختار قدره ولا نصيبه، وكلنا معرضين لنفس المصير، وكثيرا من الناس بتتعرض لمصير أسوأ، كن قويًا وكمل مشوارك، كلنا معاك يا حبيبي”.
رامي جمال يفكر في الاعتزال
ويذكر أن المطرب الشاب رامي جمال كشف عن إصابته بمرض البهاق، عبر حساباته الخاصة بمواقع التواصل الاجتماعي إنستجرام وكشف عن نيته في اعتزال الفن.
وقال رامي: “الحمد لله الذي أحبني فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل. وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقول لي شوف بيزنس تاني أعمله علشان الناس مش هتقبلك كده”.
