صرح الفنان محيي إسماعيل أثناء حلولوة ضيف في راديو “إنيرجي” وقال أنه من علم الفنان الراحل نور الشريف ودخله معهد السينما.
حيث قال أثناء اللقاء: “علمت نور الشريف ودخلته معهد السينما، وكان نفسى أعمل دور إسكندر الأكبر لأنه لم يخسر أي معركة، وحلمت بدور أحمد زكي في زوجة رجل مهم لأن أبعاد الشخصية كلها كانت ماشية معايا، عملت عيد ميلادي بخيار بدل الشمعة عشان مفيش قواعد للتورتة”.
محيى يتحدث عن النفسية المعقدة
وأضاف: “العقد النفسية وكيفية إضافتها على مدار تاريخي الفني كانت لغزا.. كنت مع كل مخرج أشير إلى أن شخصيتي ينقصها شيء ثم أقوم بإضافة العقدة.. كتابي المخبول يتضمن 17 عقدة إنسانية، وعلى عكس آخرين لما بيمثلوا دور نفسي معقد يفضل يقول أنا ذاكرت للدور وتعبت جدا، هؤلاء كذابون”.
وشدد محيي إسماعيل قائلاً: “لم أدخل التصنيف كمجنون أو معقد بسبب أدواري.. أنا مبخافش من حاجة.. أنا جاي في رحلة وماشي، وتريند “ها إيه تاني” بالكثافة والجنون ده بفظاعة أنا حتى الآن مش مستوعب اللي حصل، في كل مكان الشباب بيوقفوني ويتصوروا معايا ويقولولي ها إيه تاني، على مدار أيام لم أستوعب لماذا يوقفني الجمهور للتصوير.. وحين سألت قالولي افتح النت، وتريند “إيه تاني” رمز للتمرد، حتى أن مخرج قال لي لو اتصرف ملايين الدولارات لتسويق نجم مش هيكون زي التريند ده وجاوبته إنه عطاء ربنا حتى لو متأخر”.
