هاجمت أسما شريف منير متابعيها عبر تطبيق انستجرام، وذلك بعدما قرأت عددًا كبيراًمن التعليقات المزعجة لها بعد أزمة هجومها على الشيخ الراحل محمد متولي الشعراوي.
رسالة اسما للجمهور
وكتبت أسما تعليق طويل على إنستجرام وقالت: “مش عاجبك و بتكرهني اعملوا ان فولو، و لا هو لازقه و خلاص.. لا بحبه ولا أقدر علي بعده .. اللي بيكرهني يمشي وميضيقش نفسه، ولا اقولكم خليكم الواحد محتاج حسنات .. انا حتي مش همسح الكومنتس البشعه بتاعتكم”.
وتعرضت أسما شريف منير لهجوم من المتابعين لها على مواقع التواصل الاجتماعي بعد وصفها الشيخ الشعراوي بالمتطرف ولكنها اعتذرت قائلة: “أنا بعتذر جدًا جدًا عشان لم أستطع أن أحسن التعبير واختيار الكلمات الصحيحة، وده يمكن عشان لسه بتعلم وده عن عدم إدراك، أنا لسه بتكلم على طبيعتي زي أول يوم قررت إني أظهر على السوشيال ميديا، بس دلوقتي لازم أخد بالي من كل كلمة بقولها عشان كل حاجة بتتحسب عليا وده جديد عليا، و كل مافي الموضوع إني كنت بدور عن مرجع ديني ودروس دينية عشان أفهم بشكل مبسط”.
وتابعت: “الشيخ الشعراوي أعمق من قدراتي لأني في حاجات فعلًا مفهمتهاش، وأنا مبتدئة بحاول أتعلم وأقرب أكتر من ربنا، وعموما أنا بعتذر فعلًا عن ذلة لساني وكلمتي.. وحقيقي أكن للشيخ الشعراوي كل احترام وتقدير رحمه الله وجزاه كل خير، وربنا عالم نيتي إيه”.
