قامت النجمة يسرا بتقديم المخرج شريف عرفة، وذلك لتكريمه فى الدورة 41 من مهرجان القاهرة مساء أمس وحصوله على جائزة فاتن حمامة التقديرية، ووجهت كلمة قصيرة له ولكنها كانت تحمل العديد من المشاعر والود والاحترام له.
شريف عرفة يشكر والده الراحل
حيث قالت : “أعظم الناس اللى أنا قبلتها فى حياتى، عملت معاه 3 أفلام ومش بشبع من الشغل معاه”، ورد عرفة وقال: “إن التكريم من مهرجان القاهرة السينمائي أعظم شىء حصل لى فى حياتى، بشكر ربنا على الفرص اللى فى حياتى، كما اتوجه بالشكر لأبى وكل المخرجين اللى ساعدونى”.
وأوضح عرفة عن الصعوبات التي واجهته في بداية مشواره الفني قال: “عملت أفلام ما نجحتش كتير، ومن وسط الضلمة دى ظهر الكاتب وحيد حامد وعملت معاه أهم أفلام فى حياتى، كما أشكر النجم العظيم عادل إمام اللى آمن بيا وشاركنى فى نجاحاتى، وأحمد زكى ويحيى الفخرانى وحسين فهمى، وكل النجوم اللى اشتغلت معاهم، مؤكدًا أنه يتمنى أن يترك لأحفاده إرثًا من الأفلام المحترمة”.
