نشر الفنان شريف منير عبر صفحته الشخصية بموقع “إنستجرام” بمقطع فيديو لرقصه في مهرجان القاهرة السينمائي الدولي في دورته الـ 41.
وتعرض منير للعديد من التعليقات التي هاجمته على رقصته فرد عليها قائلًا: “بتعبر عن حالة سعادة.. والمخرج ماقالش حاجة.. وأنا عملت كده من نفسي.. عارفة حضرتك لما يجيلك خبر حلو .. ممكن تسقّفي وتنطي من الفرحة.. أنا بقى عملت كده بدل ما أسقّف”.
ووجهت إحدى متابعيه يتعليق تقول: “طيب والنبي مش مكسوف من نفسك وإنت راجل كبير كدا تعمل الحركات دي”، ليرد عليها بقوله: “ليه حضرتك قاسية في كلامك؟ أنا طول عمري بعمل إللي بحس بيه وأنا مش خجلان.. أنا بعيش على طبيعتي.. على العموم لو كنت عبّرت عن فرحتي بطريقة ضايقتك.. فسامحيني وشكراً”.
شريف يرد على ظهوره باللبانة
وعن ظهوره خلال حفل الافتتاح وهو يمضغ اللبان اعتذر لإحدى المتابعات والتي انتقدت سلوكه قائلًا: “كانت غلطة غير مقصودة بسبب التوتر.. عند حضرتك حق تحياتي”، وظهر منير وقتها مرتدياً نظارة سوداء اللون وخطف الأنظار له.
