كتبت الفنانة الشابة لمى كتكت رسالة خاصة لوالدتها الفنانة المصرية أمل رزق عبر صفحتها الشخصية بموقع “إنستجرام”، وذلك احتفالًا بعيد ميلادها.
ونشرت لمى صورة لوالدتها وعلقت قائلة: “أنتي أجمل وأحلى وأطيب وأحن ست في الدنيا ربنا ما يحرمنيش منك ومن ضحكتك اللي بتحلي أي حاجة في الدنيا.. أنتي سبب كل حاجة حلوة طول ما أنتي موجودة أنا عارفة إن أي مشكلة ممكن تتحل.. طلعتينا أنا وإخواتي شبعانين.. شبعانين حب فا خليتي قلب كل واحدة فينا نضيف”.
وتابعت: “علمتينا الأصول حتى مع اللي ميعرفش الأصول.. عرفتينا إن في ربنا أكبر من أي حد فا مابقاش في مخلوق علي الأرض ممكن يخوفنا أو يكسرنا.. أنتي جميلة أوي من جواكي ومن بره.. أخدت منك نفس يوم ميلادك ويا رب اعرف أخد منك نص الحاجات الحلوة اللي فيكي.. كل سنة وأنتي السند والأمان والحب كله”.
لمى كتكت والفن
يذكر أن الفنانة الشابة لمى كتكت انضمت لأسرة مسلسل “في كل أسبوع يوم جمعة” مع النجمة منة شلبي والفنان آسر ياسين.
