رواد موقع التواصل الاجتماعى فيسبوك يتداولون بوست عن حالة الفنان سيد مصطفى ومروره بعدد من الأزمات وعدم وقوف أحد بجانبه.
وكان نص المنشور كالآتي: “الفنان سيد مصطفى وصل لحالة صعبة جدا فى حياته، وصل لمرحلة أنه فعلا الزمن طحنه، وبيمر بأزمات كبيرة لا يتخيلها مخلوق”.
ثم: “ومن يومين صديق عزيز قابلة محمد فوزى حسين على طريق أبو صير وطلب منه يوصله، ولما سأله ايه اللى جابك هنا ياعم سيد، قاله، كنت رايح مركز أبو صير عشان قلبى وجعني، ولما قاله بس ده بعيد عن بيتك، قاله أصل سمعت ان الكشف لسه هناك بـ 2 جنية، عم سيد بيقف على الطريق يشاور للعربيات عشان معهوش حق الأجرة عم سيد عنده 6 بنات، وعنده بيت هو مسئول عنه، والمرض بهدله، واختصارا لأى كلام كتير الراجل فعلا بيعانى من مشاكل صعبة جدا جدا جدا.
مطالب الجمهور للفنان سيد مصطفى
وأخيراً: “بغض النظر هو عضو نقابة ولا لا.. وهو فنان كبير ولا صغير، ياريت نتعامل معاه على أنه إنسان ونكسر الروتين شوية نقابة المهن لازم تتحرك.. وزارة التضامن لازم تتحرك.. اهل الخير لازم يتحركوا، انقذوا الفنان سيد مصطفى”.
