فاجأ المطرب رامي جمال جمهوره صباح اليوم بأنه يفكر فعلياً في اعتزال الفن والغناء، بعد كشفه عن إصابته بمرض البهاق.
وقال رامي عبر حسابه بموقع تويتر وقال: “الحمد لله الذي أحبني فابتلاني وأقدرنى على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايده.. ورضيت وسلمت أمري لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقولى هتتعامل إزاى وأنت فنان واللي يخاف يسلم عليا و اللى يسألنى هو ده معدي”.
وتابع: “أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تاني اعمله عشان الناس مش هتقبلك كده، وفكرت فى كلامهم بصراحة”.
حلول رامي بعد البهاق
واختتم قائلاً: “لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلوني بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللى بيقبلوا الواحد زى ما هو”.
