حرصت الفنانة صابرين على إجراء مداخلة هاتفية في برنامج “الحكاية” مع الإعلامي عمرو أديب، والمذاع عبر فضائية mbc مصر وذلك للتعليق على خلعها الحجاب وقالت: “أنا من زمان وأنا قالعة الحجاب.. أنا كنت دائما بقول إني محتشمة.. أنا من يوم ما لبست الباروكة وأنا قلعت الحجاب.. عملت خطوة بسيطة يمكن تقبل .. يمكن تكون حاجة كويسة”.
هجوم شديد على أبناء صابرين
وعن الهجوم الذي تعرض له أولادها قالت وهي باكية: “إيه ذنب ولادي إنهم يتشتموا من الناس على السوشيال ميديا، وكان فيه حرب عليا، ومحدش هيحاسبني إلا اللي خلقني، والله ما لونت شعري، وهو هو لما كنت عاملة التربونة، وطوال الفترة اللي فاتت كنت تعبانة نفسيًا جدًا، وبعمل الأدوار وأنا مربوطة، سيبوني أتصالح مع نفسي، وخلعت التربونة عشان نفسي مش عشان الشغل”.
وأكدت لأنها خلال مشوارها الفني وطوال حياتها لم يتحدث عنها أحد بالسوء إلا عندما ارتدت الباروكة، وقالت: “أنا عمر ما حد أتكلم عني نص كلمة، إلا أما لبست الباروكة إيه ذنب أولادي يتشتموا كل شوية من ناس معندهمش دين ولا أخلاق؟”.
