حرصت النجمة يسرا على تقديم المخرج شريف عرفة لتكريمه فى الدورة 41 من مهرجان القاهرة واصفة إياه وقالت: “أعظم الناس اللى أنا قبلتها فى حياتى، عملت معاه 3 أفلام ومش بشبع من الشغل معاه”.
وقال عرفة: “إن التكريم من مهرجان القاهرة السينمائي أعظم شىء حصل لى فى حياتى، بشكر ربنا على الفرص اللى فى حياتى، كما اتوجه بالشكر لأبى وكل المخرجين اللى ساعدونى”.
حديث عرفة عن الفنانين
وتابع قائلاً: “عملت أفلام ما نجحتش كتير، ومن وسط الضلمة دى ظهر الكاتب وحيد حامد وعملت معاه أهم أفلام فى حياتى، كما أشكر النجم العظيم عادل إمام اللى آمن بيا وشاركنى فى نجاحاتى، وأحمد زكى ويحيى الفخرانى وحسين فهمى، وكل النجوم اللى اشتغلت معاهم، مؤكدًا أنه يتمنى أن يترك لأحفاده إرثًا من الأفلام المحترمة”.
ويشارك في الدورة الحالية من مهرجان القاهرة السينمائي الدولي 150 فيلماً، ما بين روائي طويل وتسجيلي وقصير، منها أكثر من 30 فيلماً ينفرد المهرجان بعروضها العالمية والدولية الأولى، كما حصل المهرجان أيضاً على عدد من الأفلام العالمية الكبرى.
